Vlerat e një gruaje të shkëlqyeshme

Vlerat e një gruaje të shkëlqyeshme

Personi i parë që besoi, prej burrave dhe grave, ishte Hadixhja radiAllahu anha. Ajo ishte e besimtarja e parë.

Ibn Kethiri thotë:” Duke i kombinuar këto llogari shohim se Hadixheja ishte gruaja e parë që pranoi Islamin udhëheqsja e grupit siç ishte.”

Dhe gjithashtu ajo u parapriu burrave. Ajo ishte e para që besoi në Muhammedin alejhi selam.

Tani, çka e bëri Hadixhën të veçantë? Si u bë që ajo të ishte nga gratë më të mira që ndonjëherë kanë jetuar. A ishte për shkak të karierës së saj, a ishte për shkak të diturisë së saj, çka ishte pikërisht ajo që e bëri Hadixhen të jetë në mesin e 4 grave që ndonjëherë kanë jetuar.

Mendoj se duhet ti japim një rëndësi, veçanërisht motrat duhet të rikujtojmë storien e Hadixhes radiAllahu anha dhe 3 grave tjera që janë të përmedura në Hadith, Merjemi, Asija dhe Fatimja.

Në qoftëse dëshiron të gjejsh diçka të përbashkët midis këtyre 4 grave do ta gjejmë këtë në vazhdim:

1.       Të gjitha këto të 4-ta kishin zemra të forta shpirtërore. Kishin shpirta të fortë.

 Imani i tyre ishte i fuqishëm, i fortë. Kjo është diçka që qartë mund të shihet në rastin e të 4-ve. Ata kishin Iman të fortë. Dhe besimi i tyre për Allahun azze ue xhel arriti nivelin e Jekinit. Jekin është bindje e sigurtë që asgjë nuk mund të sjell dyshime në zemrë. Pra zemra ka përvetsuar Imanin në nivelin që e bën zemrën të palëkundshme. Kjo është jekin. Më gjërësisht është se kur njëri do të ketë më shumë besim në atë çka beson sesa çka do të dëgjojë ose shikojë.

Është sikurse sheh diçka para vetës mirëpo nuk e sheh. Kjo është niveli i Jekinit. Është e qartë se këto 4 gra kishin këtë nivel të Imanit.

Tani ta marrim për shembull Asijen. Asija gruaja e Firaunit. Asija ka pasur gjithçka që një grua e kësaj bote do të dëshironte. Një gruaje që I intereson dunjaja do të donte pasuri, jetë të rehatshme, do të dëshironte të ketë një burr të pasur dhe të fortë, shërbetorë, fuqi. Ajo i kishte të gjitha.

Asija donte të jep gjithë këtë vetëm për hir të Allahut azze ue xhel. Allahu subhanehu ue teala e ka vendosur në një vend, në pallatë që ishte më i miri në botë. Ajo tha: “O Allah unë dua një shtëpi në Xhennet”- “E atyre që besuan, All-llahu ua solli shembull gruan e faraonit kur ajo tha: “Zoti im, më bën një vend pranë mëshirës sate në xhennet dhe më shpëto prej faraonit e veprave të tij dhe më shpëto prej popullit mizor!” ( Sure; Tahrim- 11)

 Allahu subhanehu ue teala I dha asaj burrin më të fuqishëm dhe më të pasur. Ajo tha :”Nuk e dua këtë”, “Dhe Allahu të më mbrojë prej Firaunit dhe veprave të tij”, nuk dua të kem asgjë me të.

Pra,  kjo dëshirë që të heqë dorë nga të gjitha këto aspekte të mira për hir të Allahut, është reflektim nga thellësia e besimit. Pra, keni parasysh se Asija jetonte në një mjedis të keq dhe të korruptuar. Ajo ishte e rrethuar me të keqen në çdo drejtim.

Megjithatë ajo ishte në gjendje për ti kapërcyer gjitha rrethinat e saja dhe të lidh zemrën e saj te Allahu. Kjo është një tjetër indikacion I fuqisë së Imanit, që je I aftë të luftosh baticat që të rrethojnë në çdo anë dhe të mbash lidhje me Allahun.

Dhe mund të themi të njejtën për gjitha të tjerat. Pra, nën 1 kishin besim të thellë në Allahun subhanehu ue teala që arrinin nivelin e Jekinit.

Sendi i njejtë I dytë që e gjejmë mes tyre është se gjithë të 4-tat ose ishin gra të mira ose nëna të mira.  Kjo është diçka që nuk mund të kaloj mirë me feministet ose ato motra që janë të prekura nga feminizmi  ose të ndikuara nga ajo linjë e mendimit. Këto 4 gra nuk ishin të vlefshme për shkak të aktivizmit të tyre, karrierës apo diturisë. Gjen diçka të njëjtë tek këto gra dhe ajo është ose gra të mira ose nëna të mira. Asija dhe Merjemi, edukuan (rritën) dy prej të dërguarve fisnik të Allahut. (Isau dhe Musa)

Hadixhja radiAllahu anha ishte e shquar për shkak të përkrahjes së burrit të saj, dhe nuk ishte për shkak se ishte biznismene kjo nuk ishte faktor i saj. Por ishte sepse ishte një grua e shkëlqyeshme për Resulullahin alejhi ue sellem, dhe ajo e përkrahu atë kur ai alejhi selam kishte nevojë për të. Resulullahi alejhi selam gjithmonë e gjente Hadixhen në anën e tij.

Dhe Fatimja radiAllahu anha ishte një grua e veçantë gjithashtu.

Për tju treguar një shembull, Ali ibn Ebi Talibi radiAllahu anhu, dëgjoi se Muhammedi alejhi selam ka pranuar disa shërbëtorë. Pra, ai dhe gruaja e tij vendosën se duhet të shkojnë te Muhammedi alejhi selam dhe ti kërkojnë që tju jep një shërbëtor, për shkak të punës së rëndë që Fatimja radiAllahu anha e përjetonte në shtëpinë e saj.

Pra, ata shkuan në shtëpinë e Resulullahit alejhi selam dhe ai alejhi selam nuk ishte aty. Ata folën me Aishen radiAllahu anha, dhe I treguan asaj se dëshirojnë ti kërkojnë Resulullahut alejhi selam tju jep një shërbëtore, për shkak të vështirësisë që Fatimja radiAllahu anha po e përjetonte. Ajo vuante, shërbente punë të vështira në shtëpinë e saj.

Muhammedit alejhi selam I tregoi Aishja radiAllahu anha, dhe shkoi te shtëpia e Aliut dhe Fatimes radiAllahu anhuma. Ali ibn ebi Talibi e transmeton këtë hadith dhe thotë: “Muhammedi alejhi selam erdhi, dhe ne ishim gati të shtrihemi, dhe kur e pamë Muhammedin alejhi selam u ngritëm” .Muhammedi alejhi selam tha: “Rini aty ku jeni”, pra ato të shtrirë në krevatet e tyre. Ali ibn Ebi Talibi tha se Muhammedi alejhi selam erdhi dhe u ul në mes neve, pra u afrua tek të dytë.

Tani, Muhammedi alejhi selam ka treguar se e donte shumë vajzën e tij dhe kishte thënë se “ Fatimeja është pjesë e imja., çka e lëndon atë më lëndon dhe mua, dhe çka e kënaq atë më kënaq dhe mua” .

Ajo ishte fëmija e vetme që jetoi, Dhe e donte atë shumë. Pra, Resulullahi alejhi selam do të donte të bënte çka ishte më e mira për vajzën e tij. Ai donte që vajza e tij të kishte jetën më të mirë.  Resulullahi alejhi selam kishte mundësinë ti jepte një shërbetore. Por a e bëri atë?

Resulullahi alejhi selam tha: “Kam diçka më të mirë për ty sesa një shërbetore, para se të shkosh në krevat, thuaj SubhanAllah 33 herë, Elhamdulillah 33 herë, dhe Allahu Ekber 33 herë, kjo është më e mirë për ty sesa një shërbëtore” .

Resulullahi alejhi selam e dinte se vajza e tij ishte vajza më e mira prej më të mirave. Ai alejhi selam, e dinte se ajo shërbente në shtëpinë e saj derisa duart e saja u bënë të ashpra, lëkura në dorën e saj ishte trashur.  “

Megjithatë Resulullahi alejhi selam e këshilloi të vazhdojë ashtu, dhe I tha në vend të shërbëtores do të jap këtë dhuratë: SubhanAllah, Elhamdulillah dhe Allahu Ekber “. Dhe pastaj Ali ibn Ebi Talibi, tha se Fatimja po punonte shumë dhe tregoi se e përdorte gurin e mullirit derisa duart e saja u bënë të ashpra dhe të vrazhda. Ajo merrte uj prej pusit derisa I bëheshin shenja në qafën e saj, ajo e pastronte shtëpinë derisa rrobat e saja ndyteshin, dhe gatuante derisa e dëmtonte fytyrën e saj”.

Pra, kjo ishte vajza e njeriut më të mirë që ka jetuar ndonjëherë Muhammedit alejhi selam. Dhe ishte vajza e tij e vetme, dhe ai alejhi selam e dinte se çka ajo po përjetonte. Dhe kjo ishte ajo që e bëri Fatimen radiAllahu anha në mesin e 4 grave më  të mira që kanë jetuar ndonjëherë. Për dituri, Aisheja ishte më e ditur se Hadixheja dhe Fatimja. Gjithashtu ajo nuk e kishte nivelin e njëjtë që e kishin Hadixheja dhe Fatimeja.

Pra, motra mendoni për ardhmërinë dhe prioritetet tuaja, nuk duhet të themi se nuk duhet të mësojmë apo të mos jemi islamikisht aktive.

Por dëshirojmë të dijmë se ku është shpërblimi i madh.

Të gjithë jemi të inkujaruar të përmbushim rolet tona, të jemi më të mirët, dhe të mësojmë më së shumti, por ka gjëra që janë më shumë të rëndësishmë(shpërblyeshme) se të tjerat, pra të zgjedhim ibadetin tonë.

Shejh Enver el Avlaki ( shehid inshaAllah)

Përkthyer nga EneMuslimah